БОР КИСЛОТАСЫ

БОР КИСЛОТАСЫ , о р т о б о р к и с л о т а с ы, Н₃ВО₃ – үч негиздүү кислота, түссүз кристаллдар, сууда эрийт. Ысытканда метабор к-тасына НВО₂, андан ары бор ангидридине В₂О₃ айланат. Сууда эригичтиги 20°Сде 4,89 %, орг. эриткичте эрийт. Туздары бораттар деп аталат. Концент. Н₂SО₄ катышуусунда спирттер м-н эфирди пайда кылат. Табиятта эркин түрүндө кездешпейт. Негизинен бораттарга Н₂SO₄тү таасир кылуу м-н алынат. Ал өнөр жайда буфердик эритмелерди даярдоодо, о. эле дезинфекциялоочу зат катары колдонулат.