ВАКХАНАЛИЯ

ВАКХАНА́ЛИЯ – Байыркы гректерде ж-а римдиктерде шайырдыктын кудайы Вакхка арналган майрам; 2) операда, балетте, хореогр. көрүнүш же бий. Шатыра-шатман, жарпты жазууну, көӊүл ачууну сүрөттөйт. Жүрүшү жандуу, ылдам. Муз. өлчөмү ж-а формасы эркин. В. хореогр. жанр катары 18-к-да жаралган. В-нын мыкты үлгүлөрү Вагнердин «Тангейзер»‚ Cен-Cанстын «Cамсон жана Далила» аттуу операларында‚ Глазуновдун «Раймонда» балетинде ж. б. чыгармаларда пайдаланылган.