БӨЙҮ

БӨЙҮ – карышкыр жөргөмүштөр тукумуна кирген жөргөмүштөрдүн жалпы аталышы. Дене уз. 3,5 смге чейин жетет. Тереӊ уюкта (60 смге чейин) жашайт; түнкүсүн курт-кумурскалар м-н азыктануу үчүн чыгат. Бардык Б. уулуу, бирок адамга коркунучсуз. Чөлдө, жарым чөлдө ж-а токойлуу-талаада кездешет. Ургаачысы жумурткасын желе торуна тууп, аны кайтарат. Жумурткадан чыккан жаш Б. белгилүү убакытка чейин ургаачысынын жонунда жабышып отурат.