БРАЙЛЬ

БРАЙЛЬ – көзү азиз адамдар жазууга ж-а окууга ылайыкташтырылган одуракай, чекиттүү шрифт. Франц. тифло-педагог, көрүүсү бузулган балдарды окутуп-тарбиялоочу адис Луи Брайль тарабынан иштелип чыккан. Мында тамгалар 6 томпок чекиттин комбинацияларынан түзүлөт. Сандарды тыныш белгилерди, матем., хим. ж-а ноталык белгилерди айырмалоо үчүн чекиттер кошумчаланган комбинациялар түзүлөт. Азыр бүткүл дүйнөдө кеӊири колдонулат. Ал шрифт м-н жазылган туӊгуч китеп 1837-ж. Францияда, кийин 1885-ж. Россияда басылып чыккан.