БАКИРОВ Апас

БАКИРОВ Апас (12. 02. 1935-жылы туулган, Нарын облусу, Жумгал району, Түгөл-Сай кыштагы) – илимпоз-геолог, геология-минералогия илимдеринин доктору (1974), КР УИАнын корреспондент-мүчөсү (1984), академиги (1997). КРдин илимге эмгек сиңирген ишмери (1993). ФПИнин

тоо-геология факультетин бүтүргөн (1957). КР УИАнын геология институтунун кенже, улук илимий кызматкери, лаборатория башчысы (1957), Кыргыз ССР ИАнын президиум мүчөсү (1984–1988), директору (1988–2005) болуп иштеген. Эмгек­тери Теңир-Тоонун геологиялык тү­зүлүшүнө, тоо тек катмарла­рынын стратиграфиясына, пайда болуу шартына, геодинамикасына, ме­таллогениясына, жалпы геологиясына жана Жер жөнүндөгү илимдердин философиялык маселелерине (ноо­сферология) жаңы багыттарды берген. Орто Азия­нын чыгыш бөлүгүндөгү метаморфизмге дуушар болгон тоо тектердин петрологиясын изилдеп, метаморфизм менен тектониканын байланышын аныктаган. Бакиров – 210 илимий эмгектин, анын ичинде моно­графиялар жана атайын адистештирилген геологиялык карталар бар. 3-даражадагы Манас ордени менен сыйланган.
Эмг.: Типы метаморфических комплексов Средней Азии//Метаморфические пояса СССР. Л., 1971; Карта метаморфических фаций восточной части Средней Азии масштаба: 1: 1 500 000. М., 1971 (совм. с Н. Л. Доб­рецовым); Метаморфические комплексы восточной части Средней Азии. Фр., 1972 (совм. с Н. Л. Добре­цовым). Мetallogеnік mар оf Кугдуztаn 1:1000 000 (авторлош). Віsсһкек – Lоndоn, 2001; Ноосферология. Б., 2006.