АЖИБЕКОВА Клара
АЖИБЕКОВА Клара (19.12.1946, СССР, Кыргыз ССРи, Нарын шаары) – философ, философия илимдеринин доктору (1991), профессор (1993). Кыргыз Мамлекеттик Медициналык институтун бүтүргөн (1970). 1970–1983‑жылдарда Кыргыз Мамлекеттик университетинде окутуучу, улук окутуучу, доцент, 1983–1995‑жылдары Кыргызстан КП БКнын лектору, Саясий агартуу үйүнүн башчысы, Кыргызстан КП БКда бөлүм башчынын орун басары, политология жана социалдык башкаруу институтунун ректору, Кыргыз Республикасынын Министрлер Кабинетинин Башкаруу институтунда, орус тили жана адабиятт педагогикалык институтунда, Бишкек Гуманитардык университетинде кафедра башчысы, 1992‑жылдан Кыргызстан КП БКнын 1‑секретары болуп иштеген, 1993‑жылдан Кыргыз-Орус Славян университетинин психология жана философия кафедрасынын профессору. Анын эмгектери коомдук турмуштун оорчулук учурунда жаштардын диний жана атеисттик түшүнүктөрдүн механизмин изилдөөгө, илимий-техникалык революция шартында адамдын рухий экологиясынын бузулуп баратышынын философиялык маселелерин иликтөөгө арналган. 120 илимий эмгектин (анын ичинде 7 монография, 3 окуу куралы – авторлош) автору.
Эмг.: Молодёжь и проблемы психологии, религии и атеизма в условиях современной НТР. Ф., 1989.