КОРСИКА

КО́РСИКА (Corse) – Жер Ортолук деңиздин түндүк-батышындагы арал. Франциянын департамен­ти. Аянты 8,7 миң км². Калкы 355,4 миң (2023). Административдик борбору – Аяччо шаары. Батыш жээги аскалуу, булуң-буйткалуу, чыгышы жа­пыз, түзөң. Рельефи тоолуу (эң бийик жери 2706 м, Мон-Сенто чокусу). Аралдын батыш

Корсика аралынын батыш жээги.

бөлүгү гранит, чыгышы чополуу сланец текте­ринен түзүлгөн. Жер ортолук деңиздик климат мүнөздүү. 600–700 мге чейин бадал өсүмдүктөрү, андан жогору эмен, бук, мырза карагайлуу то­кой өсөт. Жемиш бактары, жүзүм, зайтун дара­гы өстүрүлөт. Аралда Аяччо, Бастия шаарлары жай­гашкан.