КОСМОПЛАН
КОСМОПЛА́Н (space plane) – бир баскычтуу космос кемеси. Ал атайын адамдарды ж-а жүктү космоско алып чыгып, кайра жерге кайтып келет. АКШнын «Спейс шаттл» ж-а мурдагы советтик «Буран», европалык «Гермес» чындыгында космоплан деп аталбайт. Анткени аларды космоско алып чыгуу үчүн ракета – алып жүргүч керек. Алдын ала иштелип чыккан кыймылдаткычтуу космоплан атмосферада ж-а космосто учууга ылайыкталып, биринчи жолу АКШ, Англия, Германия (К. Зенгера) ж-а Японияда жасалган. Германиялыктар м-н япониялыктардын космопланы азырынча идея катарында, ал эми америкалык Х–30 долбоору улантылууда.