БАЯЛИЕВ

БАЯЛИЕВ Топчубек (1929, азыркы Жалал-Абад обл., Аксы р-ну, Кашка-Суу айылы – 2018, Бишкек) – тарых илимд. доктору (1981), проф. (1983). КРдин билим берүүгө эмг. сиӊ. кызматкери (1994). 1951-ж. КМУнун филология ф-тин бүтүргөн. 1953–55-ж. Фрунзедеги пед. ин-тун филология ф-тинде мугалим, декан, 1955–56-ж. Каракол пед. ин-тунун филология ф-тинде тарых адистиги б-ча улук окутуучу, декан, 1956–61-ж. «Кыргызстан» мамл. басмасында көркөм ад-т бөлүмүнүн редактору, 1965–91-ж. КМУнун КПСС тарыхы кафедрасында улук окутуучу, доцент, проф., кафедра башчысы болуп иштеген. С. Айнинин «Томаяк», Ш. Рашидовдун «Бороондон күчтүү», «Жеӊүүчүлөр» романдарын которгон. 100дөн ашык ил. эмгектин (а. и. 2 монографиянын) автору. Эмгектери кыргыз ад-тынын Совет бийлиги орногондон кийинки өнүгүүсүндөгү өзгөчөлүктөрүн изилдөөгө арналган.