БЕДЕЛ МӨӉГҮСҮ

БЕДЕЛ МӨӉГҮСҮ Какшаал тоо тизмегинин түндүк капталында. Ак-Шыйрак суусунун (Сары-Жаздын алабы) жогорку агымы, Боз-Жалпактын алабында жайгашкан. Узундугу 4,3 км, аянты 5,0 км². Өрөөндүн оӊ капталындагы бөлүгү эрип кеткендиктен, Бедел мөңгүсү өрөөн тибиндеги мөӊгүдөн жантайма тибиндеги мөӊгүгө айланган. Башы деӊиз деӊгээлинен 4878 м, этеги 3980 м бийиктикте жатат. Мөӊгүдөн Бедел суусу башталып, Боз-Жалпакка (Ак-Шыйрактын алабы) оӊ жактан куят.