БОРИЙ

БО́РИЙ , Bh – элементтердин мезгилдик системасынын VIIВ тобунан орун алган химиялык элемент; к.н. 107, ат. м. 262; туруктуу изотоптору жок. Химиялык касиеттери боюнча ренийдин аналогу. Көбүрөөк туруктуу болгон кычкылдануу даражасы +7. Массалык сандары ²⁶¹Bh ж-а ²⁶²Bh болгон эки изотобу белгилүү. Даниялык окумуштуу Н. Бордун (1885–1962) урматына аталган. Синтезделип алынган ²⁶¹Bh туруксуз. Эч жерде колдонулбайт. Химиялык кошулмалары алынган эмес.