БОТБАЕВ Ильяс Махмудович

Кыргызстан Энциклопедия жана Терминология Борбору дан
05:29, 30 Апрель (Чын куран) 2024 карата Temirkan (талкуу | салымы) (Temirkan moved page БОТБАЕВ 1 to БОТБАЕВ Ильяс Махмудович) тарабынан жасалган версия
(айырма) ← Мурунку нускасы | Соңку нускасы (айырма) | Жаңыраак нускасы → (айырма)
Навигацияга өтүү Издөөгө өтүү

БОТБАЕВ Ильяс Махмудович (1931, Жалал-Абад облусу, Токтогул району, Кара-Суу кыштагы – 12.12.2014, Бишкек) – айыл чарба илимдеринин доктору (1985), профессор (1990), Россия айыл чарба академиясынын корреспондент-мүчөсү (1991), КР УИАнын корреспондент-мүчөсү (1993), академиги (1997). СССР Мамлекеттик сыйлыгынын лауреаты (1991), КРдин илимге эмгек сиӊирген ишмери (1995). 1953-жылы К. И. Скрябин атындагы КАЧИни бүтүп, Токтогул райондук айыл чарба бөлүмүндө башкы зоотехник, ошол эле жылы Кыргыз ССР ИАнын зоология жана паразитология институтунда илимий кызматкер. 1978-жылдан Кыргызстан мал чарба илимий-өндүрүш бирикмесинин генералдык директору. 1986–88-жылдары Кыргыз ССР мамлекеттик агрардык өнөр жай комитетинде илим жана алдыӊкы тажрыйбанын жетишкендиктерин өндүрүшкө киргизүү жана пропагандалоо башкармасынын башчысы. 1988-жылдан Кыргыз мал чарба ИИИде бөлүм башчы, директордун орун басары, башкы илимий кызматкер. Алай коюнун жана Кыргыз уяӊ жүндүү коюнун ондон ашык заводдук линиясынын жана 300дөн ашуун илимий эмгектин автору. Анын жетекчилиги менен Ысык-Көл мериносу, кыргыз эчкисинин жаӊы породалары чыгарылган. Эмгек Кызыл Туу, «Ардак Белгиси» ордендери м-н сыйланган.
Эмг.: Алайская порода овец и её селекция. Ф., 1992. Выведение уникальной алайской породы полугрубошерстных овец. Б., 1998.