БРОВКА

БРО́ВКА Петрусь (Пётр Устинович) [12 (25). 6. 1905, Минск облусу, Путилковичи кыштагы – 24. 3. 1980, Минск] – белорусь акыны, БССР эл акыны (1962), БССР ИАнын академиги (1966), БелСЭнин Башкы редактору (1967–80), Социалисттик Эмгектин Баатыры (1972). Чыгармачылык иши 1926-жылдан башталган. «Каармандын келиши» (1935), «Мекен жазы» (1937) ж. б. жыйнактары, «Беларусь», «Смолячкова жөнүндө поэма» (1943) поэмаларын жазган. Ага «Дан» (1946), «Москва жөнүндө ой терметүү», «Туулган үйдө» (1946) жана «Турмуш жолдору» (1950) ж. б. жыйнактары үчүн СССР мамлекеттик сыйлыгы (1947, 1951), «Күндөр өтүп жатат» ырлар жыйнагы үчүн Лениндик сыйлык ыйгарылган (1962). «Дарыялар кошулган кезде» романынын автору. Үч

Ленин, Кызыл Жылдыз, Эл достугу, «Ардак Белгиси» ордендери жана медалдар менен сыйланган.