БУЛАК-СУУ МӨӉГҮСҮ

БУЛАК-СУУ МӨӉГҮСҮ Чоӊ Алай кырка тоосунун түндүк капталында. Корженевский мөӊгүсүн түндүк-батыштан тороп турган тоо тармагынын Чоӊ Алай кырка тоосуна тутумдашкан жеринен орун алган. Узундугу 5,2 км, аянты 3,3 км², көлөмү 0,1 км³. Абляция облусунун аянты 1,3 км². Мөӊгүнүн башы деӊиз деӊгээлинен 5300 м, этеги 3900 м бийиктикте жатат. Кар чегинин бийиктиги 4300 м. Куралуу облусу үч тарабы бийик беттер м-н курчалган төр. Этеги аяккы мореналар менен торолгон. Мөӊгүдөн Кызыл-Агын суусунун курамы – Булак-Суу башталат.