БУЛАМЫК

БУЛАМЫК – наристеге берилүүчү тамак. Малдын майына (мыктысы куйрук же сары май) унду бышыра кууруп, аны керектүү өлчөмдөгү (бала бир жолу жей тургандай) сүткө бөлтөксүз чалып, жай кайнатып, 5–10 мүнөт аралаштырып бышырат. Бир аз сууган соӊ Буламык балага берилет. Айрым учурда Буламык өтө карыган адамдарга, тамак ичүүсү кыйындаган сыркоолорго да аш болумдуу мүнөз тамак болуп саналат.