БУЛЬДОЗЕР

БУЛЬДО́ЗЕР (англ. bulldozer) – 1) жер түзөтүүчү машина. Негизги иштөөчү органы – асма сүргүч калак, ал түртүүчү рама менен трактордун же өзү жүрүүчү шассинин кронштейнине бекитилет. Калак гидравликалык жабдуу аркылуу иш учурунда жерге түшүрүлүп, артка жүргөндө же жер которууда өйдө көтөрүлөт. Айыл чарбасында жер тегиздөө, кык чыгаруу, аӊ казуу жана толтуруу, канал, жол куруу, суу чарба курулуштарында колдонулат. 2) Тетикти ийүүчү, түзөтүүчү жана штамптоочу пресс.