БУМЕРАНГ

БУМЕРА́НГ – аӊчылык жана согуш куралы. Аны негизинен австралиялык жергиликтүү уруулар колдонгон. Бумеранг ийри, катуу жыгачтан жасалган, бир учу кыска орок сымал жалпак, экинчи учу узунураак, калак сымал буюм. Бумерангды ыргытканда ыргытуунун ыгына, шамалдын багы-

тына жараша көкөлөп учуп барып, кайра кайрылып келүү өзгөчөлүгүнө ээ. Бумерангга окшогон чокморлор Байыркы Египетте, Түштүк Индияда, Түштүк Батыш Азияда пайдаланылган.