БУРАНА ЧОПО КЕНИ

БУРАНА ЧОПО КЕНИ Чүй районунда, Кегети кыштагынан 8,5 км түштүк-чыгыш тарапта, Бурана суусунун сол өйүзүндө, Ивановка кыш заводунан 35 км аралыкта, деӊиз деӊгээлинен 1200–1530 м бийиктикте. Кен 1960-жылы ачылып, 1972–73-жылдары геологиялык чалгындоо жумуштары жүргүзүлгөн. Кен антропоген мезгилинин аяк ченинде пайда болгон боз жана күрөӊ боз түстөгү лёсс сымал кумайлуу чопо катмарынан турат. Катмарлардын төмөнкү бөлүгүндө бирин-серин галькалар менен шагылдар, үстүнкү бөлүгүндө үлүл кабыкчалары кезигет. Пайдалуу катмардын калыӊдыгы 4,3–20 м. Ийилгичтиги 6,28–7,11. Чоподон «400–500» маркасындагы аглопиритти, «150», «125» маркасындагы кыш алууга болот. Запасы А категориясы боюнча 1845 миӊ м³, В–2714 миӊ м³, С₁–9761 миӊ м³.