БЫДГОЩ

БЫДГОЩ – Польша Республикасындагы шаар. Висла дарыясындагы порт. Куявск-Поморский воеводствосунун (административдик-аймактык бирдик) административдик борбору. Калкы 364,3 миӊ (2011). Ири жолдор тоому. Висла дарыясынын сол жээгиндеги деӊиз порту. Аэропорту бар. Машина куруу, химия, тамак-аш, жеӊил өнөр жайлары бар. 15–16-кылымдарда курулган үйлөр жана чиркөө сакталган. 1346-жылы негизделген. Быдгощ – өлкөнүн илимий жана маданий борбору. Университет, академиялар (медицина, технология, айыл чарба, музыка), илимий коомдор, калк китепканасы, музейлер, театрлар, филармония иштейт. Эл аралык фестивалдар (музыка, опера ж. б.) өткөрүлүп турат.