БЫТАНТАЙ

БЫТАНТАЙ – Якутиядагы дарыя, Яна дарыясынын сол куймасы. Узундугу 586 км, алабынын аянты 40,2 миӊ км². Жогорку Яна кырка тоосунун чыгыш капталынан башталып, басымдуу бөлүгү анын тармактары аркылуу агып өтөт. Кар жана жамгыр сууларынан куралат. Суусунун жылдык орточо чыгымы Асар кыштагы тушта 148 м³/сек. Сентябрдын аягынан майдын ортосуна чейин муз каптайт. Негизги куймалары: Бильлях, Тэнки (оӊ), Хобол, Аччыгый-Саккырыр, Улахан-Саккырыр, Кулгага-Суох (сол). Бытантайдын алабында жалпы аянты 140 км² болгон 2 миӊден ашык көл бар. Чатынан 120 км аралыкка чейин кеме жүрөт.