ДОЛОН 1
ДОЛОН (моңголчо жети) – КЭРдин Синьцзян автономиялуу облусунда (Жарган-Дарыя, Чекилдек, Караңгылык) жашаган калктардын бири. Бүгүнкү күндө уйгурларга жуурулушуп бараткан Долондун түпкү теги айрым маалыматтарда кыргыз экендиги белгиленет. Долондун материалдык маданияты ж-а антропологиялык тиби да кыргыздарга жакын. Ч. Валиханов Чыгыш Түркстандагы Барчык ж-а Марал-Башы аймактарын мекендеген Долон аттуу өзгөчө уруу жөнүндө жазып, алар өздөрүнүн тегин кыргыздар м-н жалпы экендигин белгилешерин эскерген. Санжыра маалыматтарында Долон бий Ак уул, Куу уулдун атасы деп айтылып, алардан кыргыздын оң, сол ж-а ичкилик уруулары тарары айтылат. Этноним жети уруу же жети уруу эл маанисин да туюнтушу ыктымал.
Ад.: Абрамзон С. М. Кыргызы и их этногенетические этнокультурные связи. Ф., 1990.
О. Каратаев.